"Барселона" бош мураббийи Ханс-Дитер Флик интизомга қатъий ёндашуви билан ажралиб туради. Бу мавсумда немис ўйин олдидан йиғилиш ёки машғулотларга кечикишга йўл қўйган ўйинчиларни бир неча бор асосий таркибда майдонга туширмаган.
Чемпионлар лигаси доирасидаги "Интер"га қарши ўйин олдидан 6 нафар футболчи машғулотларга бироз кечикди - Ламин Ямал, Фермин Лопес, Гави, Ансу Фати, Иньиго Мартинес ва Рональд Араухо.
El Chiringuito дастурида Фликнинг қолган жамоага қўшилиш учун майдонда кетаётган ўйинчиларга норози қиёфада қараган видеоси намойиш этилди.
Флик ўйинчиларни қандайдир тарзда жазолашини айтиш қийин, чунки видеога кўра, кечикиш бир неча дақиқа ёки ҳатто сонияларни ташкил этган.
