Bilbaoning "Atletik" klubi futbolchisi Oskar de Markos YEL yarim final doirasida "Manchester Yunayted" klubiga qarshi bo‘lib o‘tadigan dastlabki uchrashuvdan oldin jamoadoshlari - aka-uka Uilyamslar haqida fikr bildirdi.

"Jamoaning kiyinish xonasi quvonchga to‘ladi, chunki ikki aka-uka bir klubda to‘p suradi, ular bolalikdan shu yerda. Ular bilan bir jamoaning bir qismi bo‘lish va haqiqiy oilaviy muhitdan bahramand bo‘lish meni xursand qiladi. Ular ham futbolchi sifatida, ham shaxs sifatida jamoaga ko‘p narsa berishadi. Ularning o‘zaro hazillashishlari butun jamoani kuldiradi" - dedi Oskar de Markos UYEFA rasmiy saytiga.