Бильбаонинг "Атлетик" клуби футболчиси Оскар де Маркос ЕЛ ярим финал доирасида "Манчестер Юнайтед" клубига қарши бўлиб ўтадиган дастлабки учрашувдан олдин жамоадошлари - ака-ука Уильямслар ҳақида фикр билдирди.
"Жамоанинг кийиниш хонаси қувончга тўлади, чунки икки ака-ука бир клубда тўп суради, улар болаликдан шу ерда. Улар билан бир жамоанинг бир қисми бўлиш ва ҳақиқий оилавий муҳитдан баҳраманд бўлиш мени хурсанд қилади. Улар ҳам футболчи сифатида, ҳам шахс сифатида жамоага кўп нарса беришади. Уларнинг ўзаро ҳазиллашишлари бутун жамоани кулдиради" - деди Оскар де Маркос УЕФА расмий сайтига.
