"Chelsi"ning afsonaviy futbolchisi Rud Gullit London klubining egasi Todd Boeli kimligini bilmaganini tan oldi.

Gullit "Chelsi"ning afsonalaridan biri, Rud nafaqat "ko‘klar"da o‘ynagan, balki ularga murabbiylik qilgan.

Gullit "Chelsi" bilan Angliya kubogini qo‘lga kiritdi va bu muvaffaqiyatga erishgan birinchi xorijlik murabbiyga aylandi. Biroq 2022 yilda hamkorlari bilan klubni sotib olgan Boeli buni bilmagan.

"Chelsi" xo‘jayini Todd Boeli bilan uchrashganimda o‘zimni tanishtirdim va "Salom, men Rud Gullitman" dedim. Todd: "Nima qilyapsan?" Men: "Men futbol o‘ynaganman, "Chelsi"da o‘ynaganman va unga murabbiylik qilganman", dedim.

"Todd javob berdi: "Eh, ha? Qachon "Chelsi"da o‘ynagansiz? "Chelsi bilan nima qildingiz?" dedi, U bilmas edi", - dedi Gullit.