"PSJ" hujumchisi Usmon Dembele bir kun oldin olgan jarohati tufayli mashg‘ulotlarni o‘tkazib yubordi.

Bu haqda jurnalist Fabris Xokins o‘zining ijtimoiy tarmoqlarida ma’lum qildi. Fransiyaning L'Équipe nashri futbolchining hali hech qanday tibbiy ko‘rikdan o‘tmaganini ta’kidlab o‘tgan va "Arsenal" bilan Chempionlar ligasining birinchi yarim final o‘yinida (1:0) yagona gol muallifi bo‘lgan Dembelening o‘zi avvalroq jarohatini jiddiy deb hisoblamasligini aytgan edi.

Dembele joriy mavsumda 45 ta o‘yinda maydonga tushib, 13 ta gol urdi va 12 ta golli uzatmani amalga oshirdi. Ayni damda hammasi uning "kanonirlar" bilan ikkinchi uchrashuvni o‘tkazib yuborishiga ishora qilmoqda.