"ПСЖ" ҳужумчиси Усмон Дембеле бир кун олдин олган жароҳати туфайли машғулотларни ўтказиб юборди.
Бу ҳақда журналист Фабрис Хокинс ўзининг ижтимоий тармоқларида маълум қилди. Франциянинг L'Équipe нашри футболчининг ҳали ҳеч қандай тиббий кўрикдан ўтмаганини таъкидлаб ўтган ва "Арсенал" билан Чемпионлар лигасининг биринчи ярим финал ўйинида (1:0) ягона гол муаллифи бўлган Дембеленинг ўзи аввалроқ жароҳатини жиддий деб ҳисобламаслигини айтган эди.
Дембеле жорий мавсумда 45 та ўйинда майдонга тушиб, 13 та гол урди ва 12 та голли узатмани амалга оширди. Айни дамда ҳаммаси унинг "канонирлар" билан иккинчи учрашувни ўтказиб юборишига ишора қилмоқда.
