"Atletik" bosh murabbiyi Ernesto Valverde Yevropa Ligasi yarim finalidan o‘rin olgan "Manchester Yunayted"ga (0:3) qarshi o‘yindan so‘ng o‘z fikrlari bilan o‘rtoqlashdi.
Uchrashuvning 35-daqiqasida maydon egalari kamchilik bo‘lib qoldi. O‘sha vaqtda hisob 0:1 edi. Qolgan vaqtda mehmonlar yana ikki bor gol urishdi.
"Qizil kartochka o‘yin taqdirini o‘zgartirib yubordi. "Manchester Yunayted" bilan teng tarkibda o‘ynaganimizda ancha yaxshi edik. Hakam penalti belgilab, qizil kartochka ko‘rsatib, o‘ta keskin qaror qabul qildi, deb hisoblayman. To‘qnashuv hali tugamadi," - deya Valverdening so‘zlarini keltiradi The Touchline.













