"Chelsi" hujumchisi Nikolas Jekson Konferensiyalar Ligasi yarim finalidan o‘rin olgan "Yurgorden"ga (4:1) qarshi 1-o‘yindan keyin hulosa chiqarishga shoshilmaslikka chaqirdi.

Senegallik futbolchi dubl qayd etib, jamoasining Shvesiyada ishonchli g‘alabasiga hissa qo‘shdi. Javob o‘yini kelasi payshanba, 8 may kuni "ko‘klar" maydonida bo‘lib o‘tadi.

"Yo‘q, yo‘q, biz hali finalga chiqmadik. Oldinda nima bo‘lishini hech qachon bilmaysan. Ikkinchi o‘yinda bor kuchimizni sarflashimiz kerak, keyin esa ko‘ramiz," - dedi Jekson intervyuda.