WBC, WBA va WBO kamarlari sohibi, og‘ir vazn toifasidagi mag‘lubiyatsiz seriya qayd etib kelayotgan ukrainalik bokschi Oleksandr Usik (23 g‘alaba, 14 nokaut) sobiq raqibi, britaniyalik Tayson Fyurining uchinchi jangni o‘tkazish taklifiga javob berdi.
Ukrainalik charmqo‘lqop ustasi istalgan paytda va istalgan joyda jang qilishga tayyor ekanligini bildirgan:
"Agarda Tayson Fyuri faoliyatini yana tiklasa, balki yana jang qilarmiz. Hech qanday muammo bo‘lmaydi, men tayyorman. “Uembli”mi yoki “Old Trafford”da — uncha farqi yo‘q", deya Usikning so‘zlarini keltirdi talkSPORT nashri.
Ma’lumot uchun, yaqinda OAVda britaniyalik sportchi Usik har ikki g‘alabani ham nohaq qo‘lga kiritganiga ishora qilib, u bilan 3-jangga chaqiriq tashlagan edi.
