WBC, WBА ва WBО камарлари соҳиби, оғир вазн тоифасидаги мағлубиятсиз серия қайд этиб келаётган украиналик боксчи Олександр Усик (23 ғалаба, 14 нокаут) собиқ рақиби, британиялик Тайсон Фюрининг учинчи жангни ўтказиш таклифига жавоб берди.
Украиналик чармқўлқоп устаси исталган пайтда ва исталган жойда жанг қилишга тайёр эканлигини билдирган:
"Агарда Тайсон Фюри фаолиятини яна тикласа, балки яна жанг қилармиз. Ҳеч қандай муаммо бўлмайди, мен тайёрман. “Уэмбли”ми ёки “Олд Траффорд”да — унча фарқи йўқ", дея Усикнинг сўзларини келтирди talkSPORT нашри.
Маълумот учун, яқинда ОАВда британиялик спортчи Усик ҳар икки ғалабани ҳам ноҳақ қўлга киритганига ишора қилиб, у билан 3-жангга чақириқ ташлаган эди.
