20 yoshli yarim himoyachi Arda Gyuler o‘yin amaliyoti yetishmasligi sababli "Real"ni tark etishi mumkin. fichajes.net xabariga ko‘ra, turkiyalik xavbekda Italiya chempionatiga ko‘chib o‘tish varianti bor.
Futbolchi xizmatiga Milanning "Inter" klubi qiziqish bildirmoqda. "Neradzurrilar" rahbariyati "qirollik klubi" bilan Gyulerni sotib olish huquqi bilan ijaraga olish bo‘yicha kelishuvga erishmoqchi.
Turkiyalik futbolchining transfer narxi 45 million yevroga baholanmoqda. Uning "qaymoqranglilar" bilan shartnomasi 2029 yilning iyun oyi oxirigacha mo‘ljallangan.













