Milanning "Inter" klubi himoyachisi Benjamen Pavar tez orada maydonga qaytadi.

Fransuz "neradzurrilar"ning "Verona" (1:0) va "Barselona"ga (3:3) qarshi so‘nggi ikki o‘yinini o‘tkazib yubordi. Simone Indzagining yordamchisi Massimiliano Farrisning so‘zlariga ko‘ra, futbolchi 6 may kuni bo‘lib o‘tadigan Chempionlar ligasi yarim final javob uchrashuvida maydonga tushishga tayyor.

"Pavar seshanba kuni "Barselona"ga qarshi o‘ynashga tayyorligini ma’lum qildi. Vaziyatni diqqat bilan kuzatib boramiz va o‘yin boshlanishidan oldin bir qarorga kelamiz," - deya Farrisning so‘zlarini keltiradi "Inter" matbuot xizmati.