Saudiya Arabistonining "Al-Ahli" klubi hujumchisi Roberto Firmino "Liverpul" va Muhammad Salohning so‘nggi muvaffaqiyatlari haqida qanday fikrda ekanini aytdi.
Shanba kuni braziliyalik futbolchi o‘z jamoasi bilan Osiyo chempionlar kubogi g‘olibi bo‘ldi, shuningdek, turnirning eng yaxshi futbolchisi unvoniga sazovor bo‘ldi. Jurnalistlar undan "Liverpul"dagi holat va sobiq jamoadoshi Muhammad Salohning yutuqlari haqida gapirib berishni so‘rashdi.
"Liverpul" va Saloh uchun juda xursandman. Men Muhammadni juda sog‘inaman, o‘rtamizda mustahkam do‘stlik o‘rnatilgan, birgalikda ajoyib tarix yaratganmiz. Agar u buni ko‘rayotgan bo‘lsa, aytmoqchimanki, men u bilan va do‘stligimiz bilan haqiqatan ham faxrlanaman," - deya Firminoning so‘zlarini keltiradi jurnalist Ismoil Mahmud.
