Саудия Арабистонининг "Ал-Аҳли" клуби ҳужумчиси Роберто Фирмино "Ливерпуль" ва Муҳаммад Салоҳнинг сўнгги муваффақиятлари ҳақида қандай фикрда эканини айтди.
Шанба куни бразилиялик футболчи ўз жамоаси билан Осиё чемпионлар кубоги ғолиби бўлди, шунингдек, турнирнинг энг яхши футболчиси унвонига сазовор бўлди. Журналистлар ундан "Ливерпуль"даги ҳолат ва собиқ жамоадоши Муҳаммад Салоҳнинг ютуқлари ҳақида гапириб беришни сўрашди.
"Ливерпуль" ва Салоҳ учун жуда хурсандман. Мен Муҳаммадни жуда соғинаман, ўртамизда мустаҳкам дўстлик ўрнатилган, биргаликда ажойиб тарих яратганмиз. Агар у буни кўраётган бўлса, айтмоқчиманки, мен у билан ва дўстлигимиз билан ҳақиқатан ҳам фахрланаман," - дея Фирминонинг сўзларини келтиради журналист Исмоил Маҳмуд.
