"Barselona"ning chap qanot himoyachisi Jerar Martin "Valyadolid"ga qarshi muvaffaqiyatli o‘yin o‘tkazdi.

23 yoshli futbolchi golli uzatmani amalga oshirib, bellashuvning eng yaxshi futbolchisi sovriniga loyiq ko‘rildi. Kataloniyaliklar safarda irodali g‘alabaga erishdi - 2:1.

"Men juda baxtliman. G‘alaba ham juda muhim, lekin men uchun bu birinchi shunday mukofot, bu esa uni o‘ziga xos qiladi. Bu mavsumdagi qolgan o‘yinlarning har biri biz uchun final bo‘ladi," - deya Martinning so‘zlarini keltiradi Barca Universal.