"Barselona" bosh murabbiyi Xans-Diter Flik shanba kuni La Liga doirasida "Valyadolid"ga qarshi o‘yinda jarohat olgan Dani Rodriges haqida gapirdi.
19 yoshli vinger "ko‘k-anorranglilar"ning asosiy tarkibiga kiritildi - bu uning asosiy jamoadagi debyuti. O‘yinning 38-daqiqasidayoq yangi futbolchi yelkasidagi jarohat tufayli maydonni tark etishga majbur bo‘ldi.
"Daniga juda achinaman, hozir unga qiyin. U avvalgi jarohatidan tuzalganiga ko‘p bo‘lgani yo‘q. Menimcha, u o‘ynashdan juda xursand bo‘ldi. O‘yin davomida u mashg‘ulotlarda ko‘rsatganini namoyish etdi va men uning ijrosida aynan shuni ko‘rishni istayman. To‘pni qabul qilib olarkan, raqibni yakkama-yakka vaziyatda aldashga, golli vaziyat yaratishga harakat qiladi. Bugun u yaxshi edi," - deya Flikning so‘zlarini keltiradi ispan OAV.
