"Барселона" бош мураббийи Ханс-Дитер Флик шанба куни Ла Лига доирасида "Вальядолид"га қарши ўйинда жароҳат олган Дани Родригес ҳақида гапирди.
19 ёшли вингер "кўк-анорранглилар"нинг асосий таркибига киритилди - бу унинг асосий жамоадаги дебюти. Ўйиннинг 38-дақиқасидаёқ янги футболчи елкасидаги жароҳат туфайли майдонни тарк этишга мажбур бўлди.
"Данига жуда ачинаман, ҳозир унга қийин. У аввалги жароҳатидан тузалганига кўп бўлгани йўқ. Менимча, у ўйнашдан жуда хурсанд бўлди. Ўйин давомида у машғулотларда кўрсатганини намойиш этди ва мен унинг ижросида айнан шуни кўришни истайман. Тўпни қабул қилиб оларкан, рақибни яккама-якка вазиятда алдашга, голли вазият яратишга ҳаракат қилади. Бугун у яхши эди," - дея Фликнинг сўзларини келтиради испан ОАВ.
