"Chelsi" hujumchisi Kristofer Nkunku shu yozda "Stemford Brij"ni tark etish bo‘yicha yakuniy qarorini qabul qildi.
Nkunku ayni damda "Chelsi"dagi ikkinchi mavsumini asosiy tarkibga kirmasdan yakunlamoqda.
Nkunku bu mavsumda Premyer-ligada bor-yo‘g‘i to‘qqizta o‘yinda asosiy tarkibda maydonga tushdi va eng yirik musobaqalarda daqiqalarning kamligi Kristoferni ketishga undamoqda.
Sky Sport Germany nashri xabariga ko‘ra, 27 yoshli fransiyalik futbolchi allaqachon o‘z qarorini qabul qilgan va uning "Chelsi"ni tark etishiga endi hech qanday shubha yo‘q.
Bitta savol - Nkunku qayerga boradi? "Chelsi" 2023 yilning yozida "Leypsig"dan Kristofer uchun to‘lagan 52 million funtni qaytarib olmoqchi.
Endi Nkunku vakillari "Chelsi" bilan ajralish shartlarini kelishib olishlari va mijozi uchun yangi klub topishlari kerak. Bu jarayon allaqachon boshlangan.













