"Bayer" bu mavsumda birorta sovrin yuta olmadi.

Xabi Alonso shogirdlari Bundesliganing 32-turida “Frayburg” bilan 2:2 hisobida durang o‘ynadi va chempionlik uchun matematik imkoniyatdan mahrum bo‘ldi. Leverkuzenliklar mavsum yakuniga 2 tur qolganida “Bavariya”dan 8 ochko ortda qolmoqda.

Bungacha “Bayer” yarim finalda “Arminiya”ga imkoniyatni boy berib (1:2) Germaniya kubogidan chiqib ketgandi. Chempionlar ligasida jamoa 1/8 final bosqichidagi o‘yinini yakunlab, har ikki o‘yinda ham (0:2, 0:3) “Bavariya”ga imkoniyatni boy berdi.

2023/24 yilgi mavsumda "Bayer" Bundesliga va Germaniya kubogini qo‘lga kiritdi, shuningdek, Yevropa Ligasi finaliga chiqdi va u yerda "Atalanta"ga yutqazdi.