"Chelsi" bosh murabbiyi Enso Mareska yarim himoyachi Kristofer Nkunku 10-15 kunga safdan chiqqanini tasdiqladi.

Nkunku o‘zining so‘nggi o‘yinini 13 aprel kuni "Ipsvich"ga qarshi o‘tkazdi va asosiy vaqt tugashiga uch daqiqa qolganida zaxiradan maydonga tushdi. Joriy mavsumda u 42 ta o‘yinda maydonga tushib, 14 ta gol urdi va 5 ta golli uzatmani amalga oshirdi. 27 yoshli futbolchining klub bilan amaldagi shartnomasi 2029 yilning 30 iyuniga qadar mo‘ljallangan. Uning transfer qiymati 45 million yevroni tashkil qiladi.

4 may kuni londonliklar o‘z maydonida Angliyaning yangi chempioni “Liverpul”ni 3:1 hisobida mag‘lub etishdi. "Chelsi" turnir jadvalida beshinchi o‘rinni egallab turibdi.