"Челси" бош мураббийи Энцо Мареска ярим ҳимоячи Кристофер Нкунку 10-15 кунга сафдан чиққанини тасдиқлади.

Нкунку ўзининг сўнгги ўйинини 13 апрель куни "Ипсвич"га қарши ўтказди ва асосий вақт тугашига уч дақиқа қолганида захирадан майдонга тушди. Жорий мавсумда у 42 та ўйинда майдонга тушиб, 14 та гол урди ва 5 та голли узатмани амалга оширди. 27 ёшли футболчининг клуб билан амалдаги шартномаси 2029 йилнинг 30 июнига қадар мўлжалланган. Унинг трансфер қиймати 45 миллион еврони ташкил қилади.

4 май куни лондонликлар ўз майдонида Англиянинг янги чемпиони “Ливерпул”ни 3:1 ҳисобида мағлуб этишди. "Челси" турнир жадвалида бешинчи ўринни эгаллаб турибди.