Angliya grandlari "Bornmut" markaziy himoyachisi Din Xyoysen uchun kurash olib bormoqda.

20 yoshli futbolchi ilk mavsumini Angliyada o‘tkazmoqda, ammo allaqachon mahalliy grandlarni o‘ziga jalb qilishga ulgurgan. Insayder Fabrisio Romanoning ma’lum qilishicha, "Liverpul," "Arsenal" va "Chelsi" tez orada futbolchiga o‘z takliflari bilan chiqishadi. Katta ehtimol bilan ispaniyalik kelajak bo‘yicha qarorni joriy oyda qabul qiladi.

Ma’lumotlarga ko‘ra, Din Xyoysenning shartnomadagi tovon puli 60 mln yevroni tashkil etadi, Transfermarkt portali esa uning narxini 42 mln yevroga baholamoqda. Mart oyida markaziy himoyachi Ispaniya terma jamoasi safida debyut qildi.