"Bavariya" hujumchisi Tomas Myuller Toni Kroosning rekordini takrorladi. Myunxenliklar mavsum tugashiga ikki tur qolganida Bundesliga g‘olibiga aylandi - Myuller uchun bu chempionatdagi 13-g‘alaba bo‘ldi. Bayern & Germany nashrining ta’kidlashicha, "Bavariya"ning 35 yoshli faxriysi 34 ta sovrin bilan Toni Kroos bilan birga tarixdagi eng sovrindor germaniyalik futbolchiga aylandi.
Tomas Myuller joriy mavsum yakunlangach, "Bavariya"ni tark etadi. U butun faoliyati davomida Myunxen grandi sharafini himoya qildi.
Toni Kroos o‘tgan yili yozda faoliyatini tugatgandi. 2014 yildan 2024 yilgacha xavbek Madridning "Real" klubida o‘ynagan, avvalroq esa o‘sha "Bavariya" tarkibida g‘alabalarga erishgan.
