"Lester Siti" hujumchisi 16 yoshli Jeyk Evans jamoani tark etishi mumkin. Bu haqda Fichajes xabar bermoqda.

Evans aprel oyida Premyer-ligada "Brayton"ga qarshi o‘yinda maydonga tushganida "tulkilar" tarixidagi eng yosh futbolchilardan biriga aylandi.

Futbolchi yoshlar o‘rtasidagi musobaqalarda 22 ta o‘yinda maydonga tushib, 15 ta gol urdi. So‘nggi paytlarda u asosiy jamoa bilan tez-tez shug‘ullanmoqda. Uni sotib olishga "Manchester Yunayted" va "Tottenxem" qiziqish bildirmoqda, ular allaqachon 15 million yevro taklif qilishgan.

"Lester" Evansning jamoada qolishiga va kelajakda katta rol o‘ynashiga umid qilmoqda.