"Лестер Сити" ҳужумчиси 16 ёшли Жейк Эванс жамоани тарк этиши мумкин. Бу ҳақда Fichajes хабар бермоқда.
Эванс апрель ойида Премьер-лигада "Брайтон"га қарши ўйинда майдонга тушганида "тулкилар" тарихидаги энг ёш футболчилардан бирига айланди.
Футболчи ёшлар ўртасидаги мусобақаларда 22 та ўйинда майдонга тушиб, 15 та гол урди. Сўнгги пайтларда у асосий жамоа билан тез-тез шуғулланмоқда. Уни сотиб олишга "Манчестер Юнайтед" ва "Тоттенхэм" қизиқиш билдирмоқда, улар аллақачон 15 миллион евро таклиф қилишган.
"Лестер" Эванснинг жамоада қолишига ва келажакда катта рол ўйнашига умид қилмоқда.
