Londonning "Arsenal" klubi markaziy himoyachisi Vilyam Saliba Madridning "Real" klubiga o‘tishga qiziqmoqda.

Anchadan beri ma’lumki, La Liga grandi fransiyalik futbolchini o‘z safiga qo‘shib olish niyatida - kelishuv yozda yoki kelasi yili amalga oshishi mumkin. L’Equipe xabariga ko‘ra, "Real" Saliba uchun "Arsenal" bilan xayrlashishga tayyor bo‘lgan yagona klubdir. 24 yoshli markaziy himoyachi "qaymoqranglilar" safida to‘p tepishni futbolchi faoliyatidagi eng yuqori nuqta deb hisoblamoqda. Tomonlar o‘rtasida muzokaralar allaqachon olib borilmoqda.

Potensial transfer qiymati 100 mln yevroga baholanmoqda. Vilyam Salibaning Transfermarkt portalidagi narxi - 80 mln yevro.