Лондоннинг "Арсенал" клуби марказий ҳимоячиси Вильям Салиба Мадриднинг "Реал" клубига ўтишга қизиқмоқда.
Анчадан бери маълумки, Ла Лига гранди франциялик футболчини ўз сафига қўшиб олиш ниятида - келишув ёзда ёки келаси йили амалга ошиши мумкин. L’Equipe хабарига кўра, "Реал" Салиба учун "Арсенал" билан хайрлашишга тайёр бўлган ягона клубдир. 24 ёшли марказий ҳимоячи "қаймоқранглилар" сафида тўп тепишни футболчи фаолиятидаги энг юқори нуқта деб ҳисобламоқда. Томонлар ўртасида музокаралар аллақачон олиб борилмоқда.
Потенциал трансфер қиймати 100 млн еврога баҳоланмоқда. Вильям Салибанинг Transfermarkt порталидаги нархи - 80 млн евро.
