"Manchester Yunayted" yakshanba kuni yana bir bor muxlislarining hafsalasini pir qildi.
Ruben Amorim jamoasi "Brentford" mehmoni bo‘lib, 3:4 hisobida mag‘lubiyatga uchradi. Natijada "Manchester Yunayted"ning Premyer-liga o‘yinlaridagi g‘alabasiz seriyasi 6 o‘yinga yetdi. Ushbu seriya doirasida "qizil iblislar" ikki marta durang o‘ynadi va to‘rt marta mag‘lubiyatga uchradi. Mankunian klubining mavqeini hisobga olsak, bunday seriyani dahshatli deb hisoblash mumkin.
Oxirgi marta "Manchester Yunayted" 2015 yilda Lui van Gaal boshchiligida Premyer-ligada 6 o‘yindan iborat g‘alabasiz seriya qayd etgandi.
"Manchester Yunayted" Premyer-liga turnir jadvalida 15-o‘rinni egallab turibdi.













