Trent Aleksandr-Arnold Arne Slotga mart oyida "Liverpul"ni tark etishini ma’lum qilgandi.
Bugun himoyachi mavsum yakunida klubni tark etishini rasman e’lon qildi. Trent "Real"ga o‘tishni og‘zaki kelishib olgani haqida xabarlar tarqalgan edi.
The Athletic xabariga ko‘ra, Trent mart oyida terma jamoalar bilan bog‘liq tanaffus paytida, himoyachi jarohatidan tiklanayotganda, bosh murabbiyga o‘z qarorini aytgan. Taxminan o‘sha vaqtda ingliz vakili "Liverpul" sport direktori Richard Xyuzni yozda tugaydigan shartnomani uzaytirishdan bosh tortgani haqida rasman xabardor qilgan.
Slot hafsalasi pir bo‘lganini bildirdi, lekin Trentning qaroriga hurmat bilan munosabatda bo‘ldi: "Sen jamoaning muhim qismisan, kel, mavsumni birgalikda yuqori darajada yakunlaylik." Trent, o‘z navbatida, murabbiyni "Liverpul"dan ketishi uning joriy mavsumdagi kayfiyatiga ta’sir qilmasligiga ishontirdi: "Men so‘nggi kungacha bu klubga bor kuchimni berishda davom etaman."
Qayd etilishicha, klub Trentning qaroridan hayron bo‘lmagan, chunki o‘sha oyda shartnomani uzaytirish bo‘yicha muzokaralar yakunlangan.
Himoyachi jamoani chalg‘itmaslik uchun APL chempionligini qo‘lga kiritganidan keyingina "Liverpul"dan ketishini ommaga e’lon qilishga qaror qildi.
