Yana bir necha soatlardan so‘ng Xitoy Xalq Respublikasining Hohhot shahrida ayollar futzali bo‘yicha Osiyo kubogi musobaqasiga start beriladi.
Uchinchi bor o‘tkazilayotgan qit’a chempionatida 12 ta jamoa to‘rttadan uchta guruhga bo‘lingan holda bahslarga kirishishadi.
O‘zbekiston milliy terma jamoasi A guruhida musobaqa mezbonlari – Xitoy, Xitoy Taypeyi hamda Avstraliya terma jamoalari bilan bitta kvartetni tashkil etishgan.
Qizlarimiz dastlabki uchrashuvni bugun Toshkent vaqti bilan soat 14:00 da Xitoy Taypeyi terma jamoasiga qarshi o‘tkazishadi.
