Kevin De Bryuyne mavsum so‘ngida “Manchester Siti”ni tark etadi, klub rahbariyati hozirdan uning o‘rnini to‘ldirish ustida ishlamoqda. Shu nuqtai nazardan, asosiy nomzodlardan biri "Kristal Pelas"ning 26 yoshli yarim himoyachisi Eberechi Ezedir.
"Kristal Pelas" o‘z yulduzini arzonga sotib qo‘ymoqchi emas, londonliklar kamida 80 million yevro talab qilmoqda. Ammo bu summa “Siti”ni qo‘rqitmaydi.
Ezening o‘zi hali unga bo‘lgan qiziqish haqida oshkora fikr bildirmadi, biroq u "Manchester Siti" toifasidagi klubga o‘tish uning faoliyatini tubdan o‘zgartirishi mumkinligini tushunadi.
Joriy mavsumda Eze “Kristal Pelas” safida barcha turnirlarda 39 ta o‘yinda maydonga tushib, 10 ta gol va 11 ta golli uzatmaga mualliflik qilgan.
