Кевин Де Брюйне мавсум сўнгида “Манчестер Сити”ни тарк этади, клуб раҳбарияти ҳозирдан унинг ўрнини тўлдириш устида ишламоқда. Шу нуқтаи назардан, асосий номзодлардан бири "Кристал Пэлас"нинг 26 ёшли ярим ҳимоячиси Эберечи Эзедир.
"Кристал Пэлас" ўз юлдузини арзонга сотиб қўймоқчи эмас, лондонликлар камида 80 миллион евро талаб қилмоқда. Аммо бу сумма “Сити”ни қўрқитмайди.
Эзенинг ўзи ҳали унга бўлган қизиқиш ҳақида ошкора фикр билдирмади, бироқ у "Манчестер Сити" тоифасидаги клубга ўтиш унинг фаолиятини тубдан ўзгартириши мумкинлигини тушунади.
Жорий мавсумда Эзе “Кристал Пэлас” сафида барча турнирларда 39 та ўйинда майдонга тушиб, 10 та гол ва 11 та голли узатмага муаллифлик қилган.
