Madridning "Real" klubida murabbiylar o‘zgarishiga tayyorgarlik ko‘rilmoqda. La Liganing so‘nggi bahslari Karlo Anchelotti uchun "qaymoqranglilar" boshqaruvidagi so‘nggisi bo‘ladi. El Larugero xabariga ko‘ra, klublar o‘rtasidagi jahon chempionatida jamoani avval taxmin qilinganidek vaqtinchalik murabbiy emas, balki Xabi Alonso boshqaradi. "Qirollik klubi" iyun oyi boshida ispaniyalik mutaxassis transferini yopishga ulgurishi kerak.

Xabi Alonso "Bayer"ni 2022 yildan buyon boshqarib kelmoqda. Futbolchi sifatida u "Real" sharafini himoya qilgan va keyinchalik madridliklarning yoshlar jamoasida boshqaruvchi bo‘lib ishlagan.

"Real" La Liga 34-turidan keyin turnir jadvalida "Barselona"dan 4 ochko ortda qolib, 2-o‘rinda bormoqda. 11 may kuni chempionlik uchun ikki da’vogar o‘rtasida o‘zaro o‘yin bo‘lib o‘tadi.