2021 yil oxirida faoliyatini yakunlagan argentinalik sobiq hujumchi Serxio Aguero yaqin o‘tmishni eslab o‘tdi. Uning so‘zlariga ko‘ra, faoliyatining ma’lum bosqichida u Turinning “Yuventus” jamoasiga o‘tishga yaqin bo‘lgan, biroq oxir-oqibat Angliyaga yo‘l olgan.

Agueroning aytishicha, qaror qabul qilishda hal qiluvchi omil — Chempionlar Ligasida ishtirok etish imkoniyati bo‘lgan. O‘sha vaqtda “Yuventus” YECHLda ishtirok etmas edi va shu bois u boshqa variantni tanlagan. Bu haqda futbolchining so‘zlarini Marca keltirgan.

Aguero Angliyaga yo‘l olib, “Manchester Siti” safida besh marta Angliya premyer-ligasida chempionlikni qo‘lga kiritdi. Ammo shunga qaramay, Chempionlar Ligasi unga nasib etmadi.

Futbolchi o‘z faoliyatini Kataloniyaning “Barselona” jamoasida yakunlagan edi.