2021 йил охирида фаолиятини якунлаган аргентиналик собиқ ҳужумчи Серхио Агуэро яқин ўтмишни эслаб ўтди. Унинг сўзларига кўра, фаолиятининг маълум босқичида у Туриннинг “Ювентус” жамоасига ўтишга яқин бўлган, бироқ охир-оқибат Англияга йўл олган.
Агуэронинг айтишича, қарор қабул қилишда ҳал қилувчи омил — Чемпионлар Лигасида иштирок этиш имконияти бўлган. Ўша вақтда “Ювентус” ЕЧЛда иштирок этмас эди ва шу боис у бошқа вариантни танлаган. Бу ҳақда футболчининг сўзларини Marca келтирган.
Агуэро Англияга йўл олиб, “Манчестер Сити” сафида беш марта Англия премьер-лигасида чемпионликни қўлга киритди. Аммо шунга қарамай, Чемпионлар Лигаси унга насиб этмади.
Футболчи ўз фаолиятини Каталониянинг “Барселона” жамоасида якунлаган эди.
