"Bornmut" sport direktori Tiago Pintu Din Xeysenning istiqbollari va uning Angliyaga o‘tishi haqida gapirdi.
"Men uchun u dunyoning eng kuchli beshta markaziy himoyachisidan biri va ikki yildan keyin u, albatta, eng yaxshisi bo‘ladi. Uni qo‘lga kiritgandan keyingi tuyg‘u lotereyada yutgandek bo‘ldi. U aql bovar qilmaydigan mentalitetga, o‘ziga bo‘lgan ishonchga ega. Bundan tashqari, u juda aqlli, besh tilda gapira oladi va uni qo‘llab-quvvatlovchi ajoyib muhitga ega. U muvaffaqiyatga erishishi uchun hamma narsani biladi", deydi Pintu.
Eslatib o‘tamiz, o‘tgan yozda "Bornmut" Din Xeysenni "Yuventus"dan 15,2 million yevro evaziga sotib olgandi.
20 yoshli ispaniyalik futbolchi joriy mavsumda klublar miqyosida 33 ta o‘yin o‘tkazib, 3 ta gol urdi va 1 ta golli uzatmani amalga oshirdi.
