"Борнмут" спорт директори Тиаго Пинту Дин Хейсеннинг истиқболлари ва унинг Англияга ўтиши ҳақида гапирди.

"Мен учун у дунёнинг энг кучли бешта марказий ҳимоячисидан бири ва икки йилдан кейин у, албатта, энг яхшиси бўлади. Уни қўлга киритгандан кейинги туйғу лотереяда ютгандек бўлди. У ақл бовар қилмайдиган менталитетга, ўзига бўлган ишончга эга. Бундан ташқари, у жуда ақлли, беш тилда гапира олади ва уни қўллаб-қувватловчи ажойиб муҳитга эга. У муваффақиятга эришиши учун ҳамма нарсани билади", дейди Пинту.

Эслатиб ўтамиз, ўтган ёзда "Борнмут" Дин Хейсенни "Ювентус"дан 15,2 миллион евро эвазига сотиб олганди.

20 ёшли испаниялик футболчи жорий мавсумда клублар миқёсида 33 та ўйин ўтказиб, 3 та гол урди ва 1 та голли узатмани амалга оширди.