Yevropa konferensiyalar ligasida yarim finalning javob uchrashuvlari bo‘lib o‘tdi va finalga chiqqan jamoalar aniq bo‘ldi.

Angliyaning «Chelsi» va Shvesiyaning «Yurgorden» jamoalari o‘rtasidagi bahs londonliklarning 1:0 hisobida g‘alabasi bilan yakunlandi. 38-daqiqada «Chelsi» yarimhimoyachisi Kirman Dyusberi-Xoll raqib darvozasini ishg‘ol etdi. Shu tariqa, londonliklar ikki o‘yin natijasiga ko‘ra ishonchli g‘alabaga erishishdi. Ushbu jamoalar o‘rtasidagi ilk o‘yin «Chelsi»ning 4:1 hisobidagi g‘alabasi bilan yakunlangan edi.

Ispaniyaning «Betis» va «Fiorentina» jamoasi o‘rtasidagi javob o‘yinida qo‘shimcha bo‘limlarga murojaat qilindi. Bahsning ning asosiy vaqti «Fiorentina»ning 2:1 hisobidagi g‘alabasi bilan yakunlandi va ikki o‘yin natijasi bo‘yicha hisob 3:3 bo‘ldi. Qo‘shimcha vaqtda «Betis» hal qiluvchi golni urdi.

Shu tariqa, 28 may kuni Polshadagi Vroslav shahrida bo‘lib o‘tadigan finalda «Betis» va «Chelsi» jamoalari to‘qnash keladi.

Konferensiyalar Ligasi. Yarim final. Javob uchrashuvi
2025 yil 8 may, payshanba.
Chelsi (London, Angliya) – Yurgorden (Stokgolm, Shvesiya) — 1:0
Gol: 1:0 — Dyusberi-Xoll (38')

Fiorentina (Florensiya, Italiya) – Betis (Sevilya, Ispaniya) — 2:2 (qo‘shimcha vaqtda)
Gollar:
0:1 — Antoni (30')
1:1 — Gosens (34')
2:1 — Gosens (42')
2:2 — Abde (97')