Italiyalik mashhur murabbiyi Fabio Kapello 2021 yili Janluiji Donnarummaning “Milan” klubidan ketishini muxlislarga nisbatan hurmatsizlik sifatida baholadi. Donnarumma o‘shanda Yevro-2020 g‘olibligi va Italiya terma jamoasi safidagi ajoyib o‘yinlardan so‘ng “PSJ”ga o‘tgan edi.
“Donnarumma klubni noxush va noto‘g‘ri tarzda tark etdi. Bu juda yomon chiqdi va muxlislarni qattiq ranjitdi. Lekin, agar uning o‘yin jihatlariga qaralsa — u akrobatik qobiliyatga ega va detallarga e’tiborli darvozabon”, — dedi Kapello pianetamilan.it nashriga bergan intervyusida.
