“Barselona”ning braziliyalik vingeri Rafinya jamoa bosh murabbiyi Xans-Diter Flikning o‘z karyerasiga ta’siri haqida so‘z yuritdi. Uning aytishicha, aynan nemis mutaxassisi ishonch bildirgani uning qarorlarini belgilab bergan.
“Bu klubga kelganimdan beri asosiy maqsadim — faqat mehnat qilish edi. Flik mening karyeramni o‘zgartirdi. U tayinlanganida men u bilan alohida gaplashmoqchi bo‘ldim — qaror qabul qilishimdan avval. U menga qattiq ishondi”, — deya Rafinyaning so‘zlarini keltiradi Marca.
Joriy mavsumda Rafinya “Barselona” safida 53 ta rasmiy uchrashuvda maydonga tushib, 32 ta gol va 25 ta golli uzatma bilan jamoa yetakchilari qatorida qayd etilmoqda.
