“Барселона”нинг бразилиялик вингери Рафинья жамоа бош мураббийи Ханс-Дитер Фликнинг ўз карьерасига таъсири ҳақида сўз юритди. Унинг айтишича, айнан немис мутахассиси ишонч билдиргани унинг қарорларини белгилаб берган.

“Бу клубга келганимдан бери асосий мақсадим — фақат меҳнат қилиш эди. Флик менинг карьерамни ўзгартирди. У тайинланганида мен у билан алоҳида гаплашмоқчи бўлдим — қарор қабул қилишимдан аввал. У менга қаттиқ ишонди”, — дея Рафиньянинг сўзларини келтиради Marca.

Жорий мавсумда Рафинья “Барселона” сафида 53 та расмий учрашувда майдонга тушиб, 32 та гол ва 25 та голли узатма билан жамоа етакчилари қаторида қайд этилмоқда.