"Inter" himoyachisi Alessandro Bastoni ijtimoiy tarmoqlarda post joyladi. Jumladan, futbolchi "Barselona" jamoasi va qanot hujumchisi Lamin Yamalga murojaat qildi.

Eslatib o‘tamiz, "Inter" seshanba kuni kechqurun o‘z maydonida "Barselona"ni (120 daqiqadan so‘ng 4:3 hisobi bilan) mag‘lub etib, Chempionlar Ligasi finaliga chiqdi.

"Raqiblarimizga hurmat bildiraman - ular g‘ayritabiiy kuch va ishtiyoq namoyish etishdi. Va alohida ta’kidlash joiz bo‘lgan ajoyib yigit haqida: Lamin Yamal, sen haqiqiy mo‘’jizasan," - deya yozdi Bastoni.