"Real"ning sobiq futbolchisi Royston Drente hujumchi Kilian Mbappening "qirollik" klubidagi o‘yini haqida gapirdi.

"Kilian faoliyatining boshidanoq chap qanotda o‘ynashga o‘rganib qolgan. Ammo Anchelotti uni Benzema o‘ynagan markaziy hujumchi pozisiyasiga qo‘ydi. Biroq Mbappe Karimdek futbolchi emas. Kilian hujumda qotil, ammo u hujumchidan ko‘ra ko‘proq qanot futbolchisi sifatida yaxshi o‘ynaydi", - deydi sobiq futbolchi.

Ispaniya chempionatining joriy mavsumida Mbappe 30 ta uchrashuvda ishtirok etgan. Hujumchi 24 ta gol urdi va 3 ta golli uzatmani amalga oshirdi.