Kataloniyaning "Barselona" klubi 17 yoshli vinger Lamin Yamal bilan yangi mehnat shartnomasi bo‘yicha muzokara o‘tkazdi. Todofichajes xabariga ko‘ra, futbolchi "blaugrana" bilan shartnomasini 2030 yilgacha uzaytirishga rozi bo‘lgan.
Kelishuv yozda, ya’ni futbolchi 18 yoshga to‘lganda yakunlanadi. Laminning maoshi sezilarli darajada oshadi. Shartnomada Yamalning potensial transferi bo‘yicha band ham bo‘ladi.
La Liganing joriy mavsumida Lamin 31 ta o‘yin o‘tkazib, 6 ta gol urdi va 12 ta golli uzatmani amalga oshirdi.
