Каталониянинг "Барселона" клуби 17 ёшли вингер Ламин Ямал билан янги меҳнат шартномаси бўйича музокара ўтказди. Todofichajes хабарига кўра, футболчи "блауграна" билан шартномасини 2030 йилгача узайтиришга рози бўлган.
Келишув ёзда, яъни футболчи 18 ёшга тўлганда якунланади. Ламиннинг маоши сезиларли даражада ошади. Шартномада Ямалнинг потенциал трансфери бўйича банд ҳам бўлади.
Ла Лиганинг жорий мавсумида Ламин 31 та ўйин ўтказиб, 6 та гол урди ва 12 та голли узатмани амалга оширди.













