"Real" bosh murabbiyi Karlo Anchelotti hujumchi Rodrigo haqida fikr bildirdi. Xabaringiz bor, o‘tgan "el klasiko"da braziliyalik futbolchi to‘liq 90 daqiqani zaxirada o‘tkazgan edi.

"Rodrigo kasallikdan tuzaldi, lekin o‘zini yaxshi his qilmadi. Rodrigoda hech qanday muammo yo‘q. Shunchaki u 100 foiz o‘ynashga tayyor emasdi. Bunday holatda u jarohat olishi mumkin edi," - dedi Anchelotti jurnalistlarga.

Eslatib o‘tamiz, "Real" safarda "Barselona"ga 3:4 hisobida imkoniyatni boy berdi. Madridliklar safida xet-trik muallifi Kilian Mbappe bo‘ldi.