"Реал" бош мураббийи Карло Анчелотти ҳужумчи Родриго ҳақида фикр билдирди. Хабарингиз бор, ўтган "эл класико"да бразилиялик футболчи тўлиқ 90 дақиқани захирада ўтказган эди.
"Родриго касалликдан тузалди, лекин ўзини яхши ҳис қилмади. Родригода ҳеч қандай муаммо йўқ. Шунчаки у 100 фоиз ўйнашга тайёр эмасди. Бундай ҳолатда у жароҳат олиши мумкин эди," - деди Анчелотти журналистларга.
Эслатиб ўтамиз, "Реал" сафарда "Барселона"га 3:4 ҳисобида имкониятни бой берди. Мадридликлар сафида хет-трик муаллифи Килиан Мбаппе бўлди.
