Octagon 72 turnirining qiziqarli bellashuvlaridan biri bo‘lib o‘tdi.
Yarim o‘rta vazn toifasida tashkil etilgan bellashuvda O‘zbekistonning eng mashhur MMA jangchilaridan biri bo‘lmish Shohasan Mirzamatov oktagonga ko‘tarildi. Aslida, Toshkentdagi turnirda Mirzamatovga eronlik sobiq raqibi Farzad Gaderi raqib bo‘lishi kerak edi, lekin noma’lum sabablarga ko‘ra, jangga bir kun qolganida Shohasan qirg‘izistonlik Abilkassim Yakubov bilan jang qilishi ma’lum bo‘ldi.
3 raundlik jang birinchi raunddayoq yakuniga yetdi. Mirzamatov raqibini oyoqdagi birgina kuchli zarbasi bilan yerga qulatdi va texnik nokautga uchratdi.
Shunday qilib, 34 yoshli andijonlik Shohasan faoliyatidagi 19-jangida 15-g‘alabasini nishonladi. Yakubovning hisobida esa endi 12 ta g‘alaba va 12 ta mag‘lubiyat bor.
