"Nottingem Forest" hujumchisi Kris Vud yana bir muhim yutuqni qayd etdi.

Angliya premyer-ligasining 36-turidan o‘rin olgan "Lester Siti"ga (2:2) qarshi o‘yinda urilgan gol yangi zelandiyalik futbolchi uchun joriy mavsumdagi 20-gol bo‘ldi va deyarli 30 yil avval o‘rnatilgan klub rekordini takrorlash imkonini berdi.

Tribal Football ma’lumotlariga ko‘ra, Vud "o‘rmonchilar" tarixida Premyer-liganing bir mavsumida 20 yoki undan ortiq gol urgan ikkinchi futbolchi bo‘ldi.

Ularning birinchisi 1994/95 yilgi mavsumda 22 ta gol urgan Sten Kollimor edi. Vud 89 ta gol va 11 ta golli uzatma bilan Premyer-ligada 100 ta golli marraga ham yetib keldi.