"Ноттингем Форест" ҳужумчиси Крис Вуд яна бир муҳим ютуқни қайд этди.

Англия премьер-лигасининг 36-туридан ўрин олган "Лестер Сити"га (2:2) қарши ўйинда урилган гол янги зеландиялик футболчи учун жорий мавсумдаги 20-гол бўлди ва деярли 30 йил аввал ўрнатилган клуб рекордини такрорлаш имконини берди.

Tribal Football маълумотларига кўра, Вуд "ўрмончилар" тарихида Премьер-лиганинг бир мавсумида 20 ёки ундан ортиқ гол урган иккинчи футболчи бўлди.

Уларнинг биринчиси 1994/95 йилги мавсумда 22 та гол урган Стен Коллимор эди. Вуд 89 та гол ва 11 та голли узатма билан Премьер-лигада 100 та голли маррага ҳам етиб келди.